閱讀文章

周麗淇水晶手鏈戴錯手削運

[日期:2010-01-28] 閱讀:

  磁石鏈:改善健康
  
  福祿壽髮晶(含金髮晶、綠幽靈、紅髮晶):增偏財運、工作運、增加血液循環
  
  黃晶:增正財運
  
  白水晶+紅紋石:增健康運和愛情運

  戴水晶可以增強運勢知啲好耐,耐到個個OL、師奶都知「左吸右放」呢個道理,即係想吸運嘅水晶應該戴左手,排放衰氣嘅黑曜石、黑碧璽就戴右手。
  
  估唔到,篤信水晶幾年嘅周麗淇都戴錯手。上週四(2日)Niki同鄭伊健出席救世軍喺澳門旅遊塔嘅活動時,就戴到一手都係水晶,不過係右手喎。其實Niki早年聽朋友講水晶可以改運,就花成千幾蚊買咗條水晶手鏈嚟戴,之後就迷上戴水晶手鏈,仲懶係專家話:「我唔俾人掂(水晶)o架,無可奈何先畀女助手拎一陣咋!」
  
  唔知係咪呢期人氣狂跌,Niki俾同門師姐關心妍騎住晒,FBI發現Niki除咗水晶戴錯手,啲水晶鏈亦集中火力用嚟增強工作運同吸財,可惜佢戴錯手,唔通人運滯行路真係會打倒退?

  去年Niki已經有戴水晶習慣,當時識戴啱左手,而戴嘅水晶都係以五顏六色嘅碧璽(上圖)為主,即係財運、工作運、人緣桃花樣樣有啲咁啦!《蘋果日報》圖片

  就咁睇,Niki右手上面三條係水晶鏈,最上一條係磁石鏈,係改善健康嘅,唔通佢連健康都出問題?梗係啦!咁都戴錯手。

  家姐汶錡近年都喪戴水晶手鏈,不過兩姊妹都戴錯手,俾人傳整容、又冇主持做,書展少人捧場,運氣麻麻!

尋找與您的有緣水晶,歡迎到>>>這裡<<<以優惠價選購水晶,數千件晶品任君挑選,質量有口皆碑。

上一篇:
下一篇:為何王永慶偏愛水晶?